Ég gef kost á mér sem biskup vegna þess að ég hef óbilandi trú á Þjóðkirkjunni og á mér framtíðarsýn um kirkju sem á sér sjálfsagðan stað í samfélaginu. Kirkju sem er í sókn. Kirkju sem er virt vegna þess að hún býður upp á andlega næringu, dýpt og öruggt skjól í amstri hversdagsleikans.
Söfnuðir landsins bjóða upp á ákaflega fjölbreytt og gott starf um allt land, helgihald, athafnir á stóru stundum lífsins og ekki síst afar öflugt sálgæslustarf. Ég veit hvað allt þetta starf er dýrmætt og hvað það er unnið af mikilli fagmennsku og því vil ég styðja við allt þetta starf og hlúa að þeim sem vinna það.